Ipan Salmos 52-59, David kiijkuilok kenijkatsa kiyolmatki kema kipixki kuesoli. Maske kipanok nochi ni tlamantli, nochipa motemachik ipan Jehová (Sl 54:4; 55:22). Nojkia kitlaskamatki pampa kipixtoya iTlajtol (Sl 56:10). ¿Nojkia titlaneltokaj uan timotemachiaj ipan Jehová kej David? ¿Tijkauaj toTeotsij iTlajtol ma techyakana kema tijpiaj kuesoli? (Pr 2:6). ¿Tlake textos mitspaleuik kema mitspanok ni?

• Kema timotekipachouayaya.

• Kema timokokouayaya.

• Kema se akajya mitsyolkokok.

• Kema mitskualankaitakej.