Kema maseualmej kiitaj uan kitlakakiliaj se video, asi ipan ininyolo uan kichiua kuali ma tlakaktokaj uan amo nima ma kiilkauakaj se tlamachtili. Jehová kinextijtok kenijkatsa uelis tijchiuasej ni tlamantli kema titlamachtisej (Hch 10:9-16; Rev 1:1).

Nopa videos ¿Kipia itoka toTeotsij?, ¿Ajkia kichijki ma moijkuilo Biblia? uan ¿Kenke uelis timotemachisej nelia tlen kiijtoua Biblia? techpaleuis kema tijmachtisej se akajya ika pilamochtsi Kuali tlamachtili ipan tlamachtili 2 uan 3. Nopa videos ¿Kenke moneki timomachtis Biblia?, ¿Kenijkatsa titlamachtiaj ika Biblia? uan ¿Tlake tijchiuaj ipan Kali kampa timosentiliaj? kinpaleuis maseualmej ma kinekikaj momachtisej touaya o ma kinekikaj yasej tlanechikoli. Nojkia, ueliskia tijtekiuisej sekinok videos kema titlamachtisej ika Biblia (km-S 5/13 iamayo 3).

• Achtoui xijkixti ipan Internet nopa video tlen tijneki tijnextilis se maseuali.

• Ximoiljui ipan se ome tlajtlanili tlen tijchiuilis.

• Sansejko xikitakaj nopa video.

• Xikixtomili tlen tlauel ipati.

• Xijnextili nopa código tlen eltok kampa tlami uan xikiljui ika nopa nimantsi kiitas ipan Internet nopa video tlen itoka ¿Kenke moneki timomachtis Biblia?

• Xijnextili nopa video ¿Kenke uelis timotemachisej nelia tlen kiijtoua Biblia? Xijmaka nopa pilamochtsi Kuali tlamachtili uan xikixtomili nopa tlamachtili 3.