TLEN TLAUEL IPATI KATLI BIBLIA TLAMACHTIA | SALMOS 34-37
Ximotemachi ipan Jehová uan xijchiua tlen kuali
“Amo xikixtoka tlen kipiaj tlakamej tlen kichiuaj tlen axmoneki”
37:1, 2
-
Ximosentlali tijtekipanojtos san Jehová uan ipan nopa tlateochiualistli tlen ya mitsmakatok, uan amo ipan tlen kichiuaj katli amo kualmej.
“Ximotemachi ipan [Jehová] uan xijchiua tlen kuali”
37:3
-
Ximotemachi Jehová nochipa mitspaleuis kema timotekipachojtos uan kema amo tijmatis tlake tijchiuas. Nojkia mitspaleuis amo kema xijtlauelkaua.
-
Nochipa xijmoyaua nopa kuali tlamachtili tlen toTeotsij iTlanauatijkayo.
“Ximouampojchiua iuaya [Jehová]”
37:4
-
Xijpoua Biblia uan ximoyoliljui ipan tlen tijpoua, kiampa kuali tikixmatis Jehová.
“Xijkauili [Jehová] ma mitsnextili kampa tinemis”
37:5, 6
-
Ximotemachi Jehová mitspaleuis tikijiyouis nochi kuesoli.
-
Nochipa xijchiua tlen kuali maske mitsistlakauisej, mitskualankaitasej o san tlemach mitsiljuisej.
‘Xijpia moyolo kema tiitstok iixpa Jehová uan amo ximolini’
37:7-9
-
Amo xijchiua se tlamantli tlen ueliskia kichiuas ayokmo kuali timouikas iuaya Jehová uan ayokmo tiyolpaktos.
“Tlakamej tlen moiknonekij iixpa [Jehová] itstosej ipan nopa kuali tlali”
37:10, 11
-
Amo ximoueyimati uan xijpia moyolo. Ximotemachi Jehová mitspaleuis kema sekinok kinekisej mitschiuilisej tlen amo kuali.
-
Xikinpaleui toikniuaj uan xikinyolchikaua katli mokuesouaj kema tikinpouilis tlen toTeotsij kichiuas ipan yankuik Tlaltipaktli.
ToTeotsij iTlanauatijkayo tlauel techteochiuas.
