Nochi tetajmej katli kitokiliaj Cristo kinekij ininkoneuaj nojkia kuali ma kitekipanokaj Jehová. Uelis kinpaleuisej kiampa ma kichiuakaj tlaj kichiuasej kampeka kinmachtisej tlen Biblia kiijtoua kema nojua konemej (Dt 6:7; Pr 22:6). ¿Ouij tlen tetajmej moneki kichiuasej? Kena, maske moneki kichiuasej kampeka, tlauel kuali kisas tlen kichiuasej (3Jn 4).

Tetajmej uelis kiyekosej miak tlamantli tlaj kimatisej tlen José uan María kichijkej. Maske monekiyaya kichiuasej kampeka uan kitekiuisej inintomij, inijuantij momajtoyaj “yauij altepetl Jerusalén sesen xiuitl ipan nopa iljuitl tlen itoka Pascua” (Lu 2:41). José uan María tlauel kipatiitayayaj kinpaleuisej ininkoneuaj ma kiixmatikaj Jehová. Ipan ni tonali, tetajmej nojkia uelis kuali kiniskaltisej ininkoneuaj tlaj kichiuasej kampeka nochipa kinmachtisej ika tlen kiniljuiaj uan ika tlen kichiuaj (Sl 127:3-5).

ACHTOUI XIKITA NOPA VIDEO MOSENTLALIJKEJ KICHIUASEJ NOCHI TLEN UELISKIAJ, UAN TEIPA XIJNANKILI NI TLAJTLANILI:

• ¿Kenijkatsa toikniuaj Jon uan isiua Sharon Schiller kiachtouitlalijkej kichiuasej tlen Jehová kineki kema kiniskaltijkej ininkoneuaj?

• ¿Kenke tetajmej amo kinamiki sanse kintlalnamiktisej ininkoneuaj?

• ¿Kenijkatsa tetajmej uelis kinpaleuisej ininkoneuaj amo ma kitlauelkauakaj Jehová kema kiixnamikisej tlaouijkayotl?

• Jehová itlanechikol techmakatok miak tlamantli, ¿tlake tijtekiuia uan kiampa tikinpaleuia mokoneuaj kuali ma mouampojchiuakaj iuaya Jehová?