¿KENKE TLAUEL MONEKI? Nopa redes sociales uelis techpaleuis uan nojkia uelis techkuapolos. Sekij Cristo itokilijkauaj mosentlalijtokej amo kitekiuisej nopa redes sociales, uan sekij kena kitekiuiaj pampa kinnojnotsaj ininchampoyouaj o ininuampoyouaj. Satanás kineki amo kuali ma tijtekiuikaj nopa redes sociales uan kineki amo kuali ma techitakaj sekinok uan ayokmo ma timouampojchijtokaj iuaya Jehová. Se keski textos tlen eltok ipan Biblia uelis techpaleuis ma tijchiuakaj kej Jesús, uan kiampa tikitasej tlake uelis techkuapolos uan amo tijchiuasej (Lu 4:4, 8, 12).

TLEN UELIS TECHKUAPOLOS:

• Tijtekiuisej miak tonali. Tlaj nochipa san tijtlachiliaj redes sociales uan Internet, tlauel techtonalpolos uan ayokmo kuali tijtekipanosej Jehová.

  Texto: (Ef 5:15, 16; Flp 1:10)

• Tikitasej tlamantli tlen amo kuali. Tlaj tijtlachilisej tlaixkopinkayomej tlen amo kinamiki uelis kichiuas ma timomatikaj tikitasej pornografía uan ma timomekatikaj o ma tiauilnemikaj. Uan tlaj tijpouasej tlen kitlaliaj apóstatas, kichiuas ayokmo kuali ma titlaneltokakaj.

  Texto: (Mt 5:28; Flp 4:8)

• Tikijkuilosej o tijtlalisej tlaixkopinkayotl tlen amo kinamiki. Pampa toyolo tlauel techkajkayaua, uelis tikijkuilosej o tijtlalisej tlaixkopinkayomej tlen amo kinamiki. Tlaj kiampa tijchiuaskiaj, uelis kichiuas sekinok ayokmo kuali ma techitakaj uan nojkia uelis tijchiuasej sekinok ayokmo kuali ma tlaneltokakaj.

  Texto: (Ro 14:13; Ef 4:29)

ACHTOUI XIKITA NOPA VIDEO KUALI XIJTEKIUI REDES SOCIALES, UAN TEIPA XIMOILJUI KENIJKATSA AMO TIJCHIUAS TLEN NESI IPAN NI TLAIXKOPINKAYOMEJ: