Ipan enero 2018 pejki nesi “Tlen ueliskia tikijtos” ipan pilamatsi Tlen tijchiuasej ipan tlanechikoli Kej Timonejnemiltiaj uan Titlajtolmoyauaj. ¿Kenijkatsa moneki tijtekiuisej?

Tlamachtili tlen kipanoltiaj toikniuaj: Moneki tijtekiuisej nopa tlajtlanili, texto uan tikiljuijteuasej tlen teipa tikixtomilitij. Kema tijpanoltisej se tlamachtili amo moneki tikijtosej sejse tlajtoli tlen toikniuaj kiijtouaj ipan nopa video. Uelis tijpatlasej kej tijnojnotsasej nopa maseuali, tlen kichijtok o tikixtomilisej nopa tlamachtili ika sekinok tlajtoli. Nojkia uelis tijmakasej se amatlajkuiloli “Tlen tlauel tijtekiuiaj” kema titlamachtiaj, maske ipan ni pilamatsi amo kiampa kiijtoua.

Kema titlajtolmoyauaj: Kampa kiijtoua “Tlen ueliskia tikijtos” techpaleuia ma tijmatikaj kenijkatsa titlajtolmoyauasej. Tlaj se maseuali kuali techtlakakilik uan kineki kimatis sekinok tlamantli, uelis nojua iuaya timokamanaljuisej uan tijtekiuisej kampa kiijtoua “Kema sampa tijpaxaloti”. Uelis tijpatlasej tlen tikijtosej o tijtekiuisej seyok tlamachtili. ¿Kinpaleuis maseualmej kampa tiitstokej tlaj tijtekiuisej se tlamachtili o se texto tlen motekiuik ipan seyok metstli? Tlaj tikiniljuis maseualmej se tlamantli tlen panotok kampa ta tiitstok, ¿timoiljuia kuali mitstlakakilisej? Kema kinamiki, uelis tijtekiuisej kampa kiijtoua “Tlen ueliskia tikijtos”. Moneki tikilnamikisej tijnekij tikinpaleuisej nochi maseualmej ma kimatikaj nopa kuali tlamachtili, yeka kemantika moneki tijpatlasej kej titlamachtiaj (1Co 9:22, 23).