Ni marzo 23, kema moilnamikis Cristo imikilis timoiljuiaj uelis touaya mosentilisej se doce millones maseualmej. Toikni katli tlamachtis techixtomilis kenijkatsa Jehová techmakatok se tlamantli tlen tlauel ipati kema techmakixtik, uan nojkia kiixtomas kenijkatsa techpaleuia (Isa 11:6-9; 35:5, 6; 65:21-23; Jn 3:16). Amo san toikni kiueyichiuas toTeotsij kema tlamachtis, tojuantij nojkia uelis tijchiuasej nopa kema kuali tikinselisej katli tikintlanejkej (Ro 15:7). Ma tikitakaj kenijkatsa uelis tijchiuasej.

• Amo san ma timoseuikaj uan tijchixtosej ma peua nopa tlamachtili. Moneki kuali ma tikinselikaj katli tikintlanejkej uan toikniuaj katli ayokmo tlajtolmoyauaj. Kuali ma tikinnojnotsakaj uan ma tikintlajpalokaj ika pakilistli

• Maske moneki tiitstosej ininuaya katli tikintlanejkej, nojkia moneki tikitasej kenijkatsa uelis tikinpaleuisej katli yasej pampa sekinok kintlanejkej. Tlaj tikitasej se akajya katli amo kema mosentilijtoya, ueliskia tikiljuisej ma moseui touaya, tijnextilisej toBiblia uan sansejko tiuikasej

• Kema tlamis nopa tlanechikoli xijtlajtlani tlaj kineki kimatis sekinok tlamantli. Tlaj moneki nima inkisasej pampa sekinok toikniuaj nojkia monechikosej, uajka xikiljui teipa tijpaxaloti. Ueliskia tikiljuis: “Nijnekiskia nijmatis kenijkatsa tikitak ni tlamachtili. Tlaj tijnekiskia ueliskia nimitspaxaloti mochaj”