KUALI MA TITLAMACHTIKAJ
Ximomachti kuali titlajtolmoyauas: xikijkuilo tlen ueliskia tikijtos kema titemakas pilamochtsitsij
¿KENKE TLAUEL MONEKI? Maske ipan ni pilamatsi ijkuilijtok kenijkatsa uelis titemakasej amatlajkuiloli uan uelis techpaleuis, amo moneki tikijtosej nochi kej ijkuilijtok. Uelis tikijtosej sekinok tlamantli kema titenextilisej nopa tlamachtili o uelis tijtekiuisej seyok tlamachtili tlen maseualmej kinekij kimatisej. Tlaj tijneki tikijkuilos tlake tikijtoskia kema titlajtolmoyauas, achtoui xijpoua nopa pilamochtsitsij, xikita tlen ijkuilijtok ipan ni pilamatsi ipan iamayo se uan xikita nopa videos tlen kinextiaj kenijkatsa ueliskia titemakasej.
¿TLAKE UELISKIA TIJCHIUAS?
¿Tikijtos tlen ijkuilijtok ipan iamayo se kema titlajtolmoyauas?
KENA
-
Xikijkuilo tlen achtoui tikiljuis nopa maseuali, xijtlajpalo uan xikiljui kenke tijpaxaloua. (Ueliskia tikiljuis: “Nimitspaxaloua pampa . . .”)
-
Ximoiljui tlake tikiljuiskia uan kiampa uelis tijnankilis ika Biblia tlen tijtlajtlanik. Nojkia ximoiljui tlake tikiljuiskia uan kiampa uelis tijmakas nopa amatlajkuiloli. (Kema tijnankilis ika Biblia nopa tlajtlanili, ueliskia tikiljuis: “Xikita tlen Biblia kiijtoua”.)
AMO
-
Xijtlapejpeni se tlamachtili tlen maseualmej kinekiskiaj kimatisej
-
Ximoiljui ipan se tlajtlanili tlen amo ouij, kiampa maseualmej amo pinauasej mitsnankilisej. (Ueliskia tijtekiuis nopa tlajtlanili tlen uala ipan pilamochtsitsij ipan iamayo ome.)
-
Xijtlapejpeni se versículo uan xijpoua. (Uelis ni amo tijchiuas kema titemakas pilamochtsi ¡Despertad!, pampa ni tikinmakaj katli amo kuali kiixmatij Biblia o katli amo kipiaj se religión.)
-
Ika se keski tlajtoli xikiljui nopa maseuali kenijkatsa kipaleuis tlaj kipouas nopa tlamachtili. Xikijkuilo tlen tikiljuiskia
TLAJ TIJTEKIUIS O AMO, XIJCHIUA NI:
-
Ximoiljui tlake tlajtlanili tijchiuilis tlen teipa ueliskia tijnankiliti
-
Xikijkuilo tlen tijneki tikiljuis
