Ika pilamochtsi Xijtlakakili toTeotsij uelis tikinmachtisej katli amo kuali tlapouaj, pampa ika tlaixkopinkayomej uelis tikinixtomilisej tlen Biblia tlamachtia. Sejse tlamachtili moixtoma ipan ome iamayo. Kuali kitlapejpenijtokej nopa tlaixkopinkayomej tlen kitlalijtokej, uan nopaya nesi kenijkatsa tikixtontiasej.

Maske pilamochtsitsij Xijtlakakili toTeotsij uan Xijtlakakili toTeotsij uan xiitsto nochipa kipia sanse tlaixkopinkayomej, ni seyok, kipia se keski párrafos ipan sejse tlamachtili. Yeka, katli kuali tlapouaj uelis tikinmachtisej ika ni seyok pilamochtsi. Nojkia, kema tijmachtiaj se akajya tlen kitekiuia pilamochtsi Xijtlakakili toTeotsij tojuantij ueliskia tijtekiuisej pilamochtsi Xijtlakakili toTeotsij uan xiitsto nochipa. Ipan se keski tlamachtili eltok se recuadro tlen kipia sekinok tlamantli tlen ueliskia tikixtomilisej.

Nochipa uelis titemakas ni ome pilamochtsitsij maske ipan nopa metstli titemakatinemisej seyok amatlajkuiloli. Kema tijmachtis se akajya, xijtekiui nopa tlaixkopinkayomej kema tikixtomilis tlen Biblia tlamachtia. Xijchiuili se keski tlajtlanili, kiampa tijmatis tlake moiljuia uan tikitas tlaj kikuamachilia nopa tlamachtili. Xijpoua uan xikixtoma nopa textos tlen eltok tlatsintla. Teipa, kema ya inmomachtijtosej nochi nopa pilamochtsi, xijmachti ika amochtli ¿Tlake nelnelia tlamachtia Biblia?, nopa kipaleuis ma kineki kitekipanos toTeotsij uan ma moatsonpoliuilti.