Jehová kinauatik Jeremías ma kinkamanaljuiti judíos uan ma kiniljui kintsontlamiltiskiaj pampa kitlauelkajtoyaj (Jer 13:25). ¿Kenke kitlauelkajkej toTeotsij? Pampa ayokmo kichijkej kampeka kuali mouikasej iuaya Jehová. Tetajmej amo kichiuayayaj tlen kiijtoua Deuteronomio 6:5-7.

Kema se tetaj uan ichampoyouaj kuali tlaneltokaj, tlapaleuiaj nochi kuali ma itstokaj ipan tlanechikoli. Tlaj kichiuaj kampeka nochipa momachtisej ininuaya ininchampoyouaj, kinpaleuis amo ma kitlauelkauakaj Jehová (Sl 22:27). Achtoui xikita nopa video Ni tlajtoli moneki eltos ipan moyolo: Tlen kintlajtlanilijtokej tetajmej uan ininchampoyouaj, uan teipa xijnankili ni tlajtlanili:

• ¿Tlake kinpaleuijtok se keskij toikniuaj nochipa ma momachtikaj ininuaya ininchampoyouaj?

• ¿Kenijkatsa kinpaleuijtok pampa kichiuaj kampeka momachtisej ininuaya ininchampoyouaj?

• ¿Tlake tlamantli nechtsakuilia kema nijneki nimomachtis ininuaya nochampoyouaj, uan tlake nechpaleuis amo tleno ma nechtsakuili?