25:1-12

Maske nopa tlapoualistli tlen nopa matlaktli ichpokamej moaxitiskia ipan Jesús itokilijkauaj katli yaskiaj iluikak, nochi tojuantij techpaleuia tlen tlamachtik (w15 1/3 iamayo 13-17). “Xitlachixtokaj pampa axinkimatij tlachke tonal, yon tlachke hora, na tlen nimokuepki Tlakatl niualas” (Mt 25:13). ¿Ueliskia tikixtomas ni neskayotl tlen Jesús kiijtok?

• Telpokatl katli mosiuajtis (v. 1): Jesús.

• Ichpokamej katli tlalnamikij o katli kichixtoyaj nopa telpokatl (v. 2): Cristo itokilijkauaj katli motemachiaj yasej iluikak, katli kichixtokej Cristo uan kichiuaj tlen kinnauatijtokej, uan ‘itstokej kejuak se tlauili ipan Tlaltipaktli’ (Flp 2:15).

• Kema kiijtojkej: “Ya ualaua ne mosiuajtijketl” (v. 6): Kema kimatkej Jesús pejtoya tlanauatia.

• Ichpokamej katli uiuitikej (v. 8): Cristo itokilijkauaj katli motemachiyayaj yasej iluikak, maske kinamikitoj nopa mosiuajtijketl, amo kuali tlachixtoyaj uan amo kichijkej tlen xitlauak.

• Ichpokamej katli tlalnamikij amo kinejkej kinmakasej ininaceite (v. 9): Kema nopa tlapejpenilmej ya kiselijtosej nopa sello tlen kiixnextis temachtli yasej iluikak amo uelis kinpaleuisej katli kitlauelkajkej toTeotsij. Ayokmo tleno uelis kichiuasej.

• “Asiko nopa telpokatl” (v. 10): Kema nechka tlamis nopa ueyi tlaijiyouilistli, Jesús kejuak asiki kema peuas tetlajtolsenkauas uan tetlatsakuiltis.

• Nopa ichpokamej katli tlalnamikij kalajkej ipan nopa tlakualistli kampa mosiuajtiskia nopa telpokatl, uan kema nochi kalajkej, kaltsajkej (v. 10): Jesús kinsentilis ne iluikak katli tlapejpenilmej uan kuali tlachixtoyaj, uan katli kitlauelkajkej ayokmo yasej iluikak.