• Xikijkuilo kanke mochaj. Tlaj amo tijneki tikijkuilos ni tlamantli, uajka uelis tikiniljuis ueuejtlakamej tlaj uelis tijtlalis nopa dirección kampa timosentilia. Xikilnamiki, AMO KEMA xikijkuilo nopa dirección tlen kali Betel.

• Tlaj tijmati itoka nopa maseuali uelis tikijkuilos. Kiampa amo moiljuis eli se amatl katli maseualmej kimoyauaj.

• Moneki kuali tikijkuilos nopa carta, xijtlachili tlaj kiuika punto, coma uan sekinok tlamantli. Nojkia kuali ma nesi uan amo xijsokiui. Tlaj san tijmaijkuilos, uajka xikita tlen tikijkuilos ma mokuamachili uan kuali ma mopoua. Nojkia amo ma kakisti kiijkuilok se akajya katli tlauel momachtijtok o se katli amo.

Ni carta tlen nika nesi uelis mitspaleuis. Tlaj tijtlajkuiljuilis se akajya kampa titlajtolmoyaua, amo xikijkuilo sejse tlajtoli kej nika nesi. Xikijkuilo tlen nelia kintekipachoua maseualmej kampa ta tiitstok uan tlen momajtokej kichiuaj. Nojkia ximoiljui kenijkatsa tijpaleuis nopa maseuali.