¿KENKE TLAUEL MONEKI? Se tlen nopa 14 amatlajkuiloli katli kiijkuilok Pablo elki nopa achtoui amatlajkuiloli tlen Corintios. Ika ni amatlajkuiloli kinyolchikajki Cristo itokilijkauaj tlen achtoui siglo. Tlauel kuali kema tikijkuilouaj se carta, pampa techpaleuia kuali ma timoiljuikaj tlake tikijkuilosej, uan katli kiselis amo sampatsi kipouas. Nojkia techpaleuis tikinmachtisej tochampoyouaj, katli tikinixmatij o katli amo tikinpantiaj ipan ininchaj. Kemantika amo tikinpantiaj katli kuali techtlakakilijkej, katli itstokej ipan kali tlen tlauel uejueyi, kampa tlauel tlamokuitlauiaj o katli uejka itstokej. ¿Tlake moneki tijchiuasej kema tikijkuilosej se carta uan tijmakasej katli amo tikixmatij?

¿TLAKE UELISKIA TIJCHIUAS?

• Xikijkuilo nopa carta kej timomajtok tikamanalti iuaya se akajya. Xikijkuilo motoka uan kenke tijtlajkuiljuilia. Uelis tijchiuilis se tlajtlanili tlen kipaleuis ma moyoliljui ipan nopa tlamantli, teipa uelis tikiljuis ma kitlachili jw.org. Nopaya uelis tlajtlanis ma kimachtikaj ika Biblia ipan ichaj, nojkia uelis tikiljuis se tlamachtili tlen se pilamochtsi tlen ika titlamachtiaj. Ipan nopa carta xijtlali se tarjeta de contacto, se pilamatsi tlen ika titetlaneuij o seyok amatlajkuiloli.

• Amo tlauel xitlajkuilo. Pampa uelis nopa maseuali kikuesiuilis uan amo nochi kipouas (xikita kampa kiijtoua kej ueliskia tikijkuilos se carta).

• Xikita nopa carta tlaj kuali tikijkuilok, tlaj kuali mopoua, tlaj kinextia titlatlepanita uan tlaj tikijtoua tlamantli tlen kipaleuis. Nojkia moneki titlajtlanis keski titlaxtlauas kema tijtitlanis se carta uan xikixtlaua, kiampa nopa maseuali amo tlaxtlauas kema kiselis.