Sejse xiuitl tikintlaneuij miakej maseualmej ma mosentilikaj touaya kema moilnamiki Cristo imikilis, miakej tlen nopa maseualmej katli mosentiliaj amo tikinixmatij. Yeka, nojkia moneki tijchiuasej kampeka tikintlaneuisej katli tikinixmatij, uelis inijuantij kena monechikosej pampa techixmatij (yb08-S iamayo 11 párr. 3; iamayo 14 párr. 1). ¿Ajkia ueliskia tikintlaneuisej?

• Touikaljuaj.

• Katli ininuaya titekitij o timomachtiaj.

• Tokalnechkauaj.

• Maseualmej katli tikinpaxalouaj, katli tikinmachtiaj o katli uejkajkia tikinmachtiyayaj.

Ueuejtlakamej nojkia kintlaneuisej katli ayokmo kitekipanouaj Jehová. ¿Tlake uelis tijchiuas tlaj tijneki tijtlaneuis se akajya katli tikixmatij uan uejka itstok? Xikita jw.org uan xijtemo kampa kiijtoua TLEN TIJCHIUAJ uan xijtsonpechili kampa kiijtoua “Kema moilnamiki Cristo imikilis”. Nopaya uelis tikitas kanke uan tlake hora moilnamikis Cristo imikilis nechka kampa ya itstok. Nama, kema ayamo asi nopa tonali, ximoiljui ajkia inijuantij tijneki tikintlaneuis uan kiampa xijchiua.