Jehová, katli “tlauel yolpaki” kineki ma tiyolpakikaj kema titlajtolmoyauaj (1Ti 1:11, TNM). Tlaj timomachtisej kuali titlajtolmoyauasej, techpaleuis nojua ma tiyolpakikaj ipan tlajtolmoyaualistli. Kema tijtekiuiaj tlajtlanili, techpaleuia ma tikamanaltikaj iuaya se akajya uan nopa kichiuas ma techtlakakili. Uan nopa tlajtlanili kipaleuis nopa maseuali ma moiljui uan ma kikuamachili se tlamantli (Mt 22:41-45). Tlaj tijtlajtlaniaj nopa maseuali se keski tlamantli uan kuali tijtlakakiliaj, kejuak tikiljuiskiaj nelia techtekipachoua tlen kipano (Snt 1:19). Tlen technankilis, techpaleuis tijmatisej tlake tikiljuisej teipa.

ACHTOUI XIKITA NOPA VIDEO TIYOLPAKIS TLAJ TIJPALEUIS SE MASEUALI. XIMOMACHTI KUALI TITLAMACHTIS: XIJTEKIUI TLAJTLANILI, UAN TEIPA XIJNANKILI NI TLAJTLANILI:

• ¿Tlake kuajkuali tlamantli kinextiyaya Jade?

• ¿Tlake kichijki Rita pampa kinekiyaya kiixmatis Jade?

• ¿Tlake tlajtlanili kichijki Rita pampa kinekiyaya Jade ma kineki kimatis nopa kuali tlamachtili tlen uala ipan Biblia?

• ¿Tlake tlajtlanili kichijki Rita pampa kinejkiyaya Jade ma kikuamachili tlen kiiljuik?