Jehová kineki ma tijtekipanokaj pampa tikikneliaj (Mt 22:37, 38). Tlaj katli tikinmachtiaj kiikneliaj toTeotsij, kinpaleuis ma kipatlakaj ininnemilis, ma kiixnamikikaj tlaouijkayotl uan kinyololinis ma moatsonpoliuiltikaj (1Jn 5:3).

Xikinpaleui katli tikinmachtia ma kiitakaj Jehová kiniknelia. Yeka, xikintlatsintoki: “¿Tlake mitsmachtia ni tlen toTeotsij? ¿Kenijkatsa ni tlamantli kinextia Jehová mitsiknelia?”. Xijchiua kampeka ma kiitakaj kenijkatsa Jehová kinpaleuia ipan ininnemilis (2Cr 16:9). Xikiniljui kenijkatsa mitsnankilik kema timomaijtok uan xikinpaleui ma kiitakaj kenijkatsa kinnankilia kema momaijtouaj. ¡Tlauel tiyolpakis kema tikitas katli tikinmachtia uan Jehová kuali mouampojchijtokej uan tlauel moikneliaj!

ACHTOUI XIKITA NOPA VIDEO XIKINPALEUI KATLI TIKINMACHTIA KUALI MA MOUIKAKAJ IKA JEHOVÁ, UAN TEIPA XIJNANKILI NI TLAJTLANILI:

• ¿Tlake tlaouijkayotl kiixnamijki Jade?

• ¿Kenijkatsa Rita kipaleuik Jade?

• ¿Kenijkatsa Jade kiixnamijki nopa tlaouijkayotl?