Se touampo, eli se akajya katli tikikneliaj uan ya nojkia techiknelia. Jonatán mouampojchijki iuaya David kema kiitak kenijkatsa kimiktik Goliat (1Sa 18:1). Uan pejki kiita nopa kuajkuali tlamantli tlen kinextiyaya David, uan ya nojkia kiampa kichijki. Nopa kinpaleuik tlauel kuali ma mouampojchiuakaj. Uajka, tlaj tijnekij timouampojchiuasej iuaya se akajya, moneki kuali tikixmatisej, yeka moneki tijchiuasej kampeka uan tijkixtisej tonali. Ipan redes sociales uelis nima tikinpantis “mouampoyouaj”, san uelis tijpacholis mocelular o tableta. Ipan internet maseualmej uelis kitlatisej kenijkatsa nelnelia elij pampa san kitlaliaj tlen sekinok uelis kiitasej. Yeka, moneki kuali timoiljuisej ajkia ininuaya uelis timouampojchiuasej. Amo xipinaua yon ximomajmati tlaj ipan internet amo tijselia se akajya ma eli mouampo, pampa amo kuali tikixmati. Itstokej miakej katli kinekij techchiuilisej tlen amo kuali, yeka sekij amo kinekij kipiasej se red social. Uan tlaj tijneki tijtekiuis, ¿ipan tlake moneki timoiljuis?

ACHTOUI XIKITA NOPA VIDEO KUALI XIJTEKIUI REDES SOCIALES, UAN TEIPA XIJNANKILI NI TLAJTLANILI:

• ¿Tlake achtoui moneki timoiljuis tlaj tijneki tijtlekoltis se tlaixkopinkayotl o titlajkuilos ipan red social?

• ¿Kenke moneki kuali tikintlapejpenis mouampoyouaj ipan internet?

• ¿Kenke amo moneki tlauel tiuejkauas tijtekiuijtos redes sociales? (Ef 5:15, 16).