Tlaj katli tikinmachtia kinekij kuali mouampojchiuasej ika Jehová, moneki kikauasej tlen amo kuali (1Pe 1:14-16). Tlaj kiampa kichiuasej, uelis kinpaleuis ma yolpakikaj ininuaya ininchampoyouaj, kuali ma itstokaj uan kuali kitekiuisej inintomij.

Katli tikinmachtia xitlauak xikiniljui tlen Jehová tlanauatia, kenke moneki kichiuasej uan kenijkatsa kinpaleuis. Tlaj tikinpaleuis ma kipatlakaj tlen moiljuiaj, teipa ininselti kichiuasej ipan ininnemilis (Ef 4:22-24). Xikiniljui Jehová kinpaleuis ayokmo ma kichiuakaj tlen amo kuali, maske ya uejkajtok kiampa kichijtokej (Flp 4:13). Xikinmachti nima ma momaijtokaj kema kinyoltilana se tlajtlakoli. Xikinpaleui ma kiitakaj tlake ueliskia kichiuas ma tlajtlakolchiuakaj uan ma kichiuakaj tlen kinpaleuis. ¡Tlauel tiyolpakis kema tikitas kipatlaj ininnemilis katli tikinmachtia!

ACHTOUI XIKITA NOPA VIDEO XIKINPALEUI KATLI TIKINMACHTIA AYOKMO MA KICHIUAKAJ TLEN JEHOVÁ AMO KIPAKTIA, UAN TEIPA XIJNANKILI NI TLAJTLANILI:

• ¿Kenijkatsa kiitakej ueuejtlakamej uan Rita kema Jade kiniljuik kitekiuiyaya marihuana?

• ¿Kenijkatsa Rita kipaleuik Jade?

• ¿Tlake kichijki Jade pampa kinejki ma kipaleui Jehová?