Ipan ni tonali pano miak tlamantli tlen tetlasojsoljuilia. Kema kiampa pano, katli tlapaleuiaj kema se tlenijki tetlasojsoljuilia moneki kuali mosentikapaleuisej. Yeka, Katli kinyakanaj Jehová itlajtoltemakauaj, kiniljuijtokej nochi kali Betel tlen ni Tlaltipaktli ma onka Kampa kiitasej kenijkatsa tepaleuisej kema se tlenijki tlasosoloua.

Kema nopa toikniuaj kimatij kanajya se tlenijki tetlasojsoljuilik, nimantsi kinnojnotsaj ueuejtlakamej katli itstokej ipan nopa altepetl uan kintlatsintokiaj tlake kinpoloua toikniuaj. Uan tlaj se tlenijki tlauel tlasosolok uan toikniuaj katli itstokej nopaya amo kimatij tlake kichiuasej, kali Betel kintekimaka se keskij toikniuaj ma kiyakanakaj nopa tekitl uan ma kiitakaj kenijkatsa tepaleuisej. Ni toikniuaj uelis kintlaneuisej sekinok ma kinpaleuikaj o tlajtlanisej ma temakakaj se keski tlamantli, nojkia uelis kikouasej uan temajmakasej nopa tlamantli tlen tlauel moneki.

Kema kali Betel kintekimaka nopa toikniuaj, kuali kisa nopa tekitl tlen kichiuaj. Pampa kiampa amo motonalpolouaj, kimatij tlake tekitl kichiuasej uan amo san kej ueli kitekiuiaj tomij uan tlamantli tlen motekiuia. Uan amo kiampa pano kema toikniuaj katli itstokej kampa se tlamantli tetlasojsoljuilik ininselti peuaj tekitij.

Toikniuaj katli Betel kintekimaka, uelis kiijtosej keski tomij motekiuis uan keskij toikniuaj tlapaleuisej. Nojkia uelis kinnojnotsasej tekichiuanij tlen nopa altepetl, pampa kemantika inijuantij kinpaleuiaj toikniuaj amo tleno ma kintsakuili kichiuasej ininteki. Yeka, tlaj amo tiinmechiljuisej, tiinmechtlajtlaniaj amo ximoiljuikaj inmoselti inkiajokuisej tomij, inkititlanisej se keski tlamantli o inyasej kampa tlasosolok se tlamantli.

Tlauel tikinikneliaj toikniuaj, yeka kema se tlenijki tetlasojsoljuilia nimantsi tijnekij tikinpaleuisej (Heb 13:16). Uajka, ¿tlake uelis tijchiuasej? Tlauel ipati timomaijtosej ika toikniuaj katli tlaijiyouiaj uan nojkia katli kinpaleuiaj. Nojkia uelis titemakasej tomij ika nochi toyolo tlen motekiuis kema kinpaleuisej toikniuaj ipan nochi Tlaltipaktli. Nochi kali Betel moyakanaj ika tlen kiniljuiaj Katli Kinyakanaj Jehová itlajtoltemakauaj, yeka kuali kimatij kema uan kanke kitekiuisej nopa tomij. Uan tlaj tijnekij titlapaleuisej, uelis tijtemitisej nopa Solicitud de voluntario local de diseño y construcción (DC-50).

ACHTOUI XIKITA NOPA VIDEO TLAUEL MIAK ATL TLASOSOLOK IPAN BRASIL, UAN TEIPA XIJNANKILI NI TLAJTLANILI:

¿Tlake tlamantli mitspaktik tlen kichijkej toikniuaj tlen Brasil kema kinpaleuijkej toikniuaj katli kintlasojsoljuilik kema tlauel tlatemik?