Abril 29–mayo 5
SALMOS 34, 35
Uikatl 10 uan tlamaijtoli | Tlen ika peuas tlanechikoli (1 min.)
1. Nochipa nijueyichiuas Jehová
(10 mins.)
David nochipa kiueyichijki Jehová maske kiixnamijki uejueyi tlaouijkayotl (Sl 34:1; w07-S 1/3 22 párr. 11).
David kiueyichiuayaya Jehová uan amo moueyimatiyaya ika tlen kichiuayaya (Sl 34:2-4; w07-S 1/3 22 párr. 13).
Kema David kiueyichijki Jehová, kinyolchikajki sekinok (Sl 34:5; w07-S 1/3 23 párr. 15).
Kema Jehová ya kimanauijtoya David tlen Aquis, katli nojkia kitokaxtiyayaj Abimelec, 400 tlakamej katli amo kuali kiitayayaj tlen Saúl kichiuayaya, yajkej kampa David itstoya ipan uaktok tlali uan kipaleuijkej (1Sa 22:1, 2). Uelis David moiljuijtoya ipan ni tlakamej kema kiijkuilok ni salmo (Sl 34).
XIMOTLATSINTOKI: “¿Kenijkatsa uelis nijueyichiuas Jehová kema nikamanaltis iuaya se akajya ipan tlanechikoli?”.
2. Xijpanti tlamachtili tlen tlauel ipati
(10 mins.)
-
Sl 35:19. ¿Tlake kinejki kiijtos David kema kiiljuik Jehová amo ma kinkauili “ma moixijkopilikaj ika pakilistli” ikualankaitakauaj? (w06 15/5 20 párr. 2).
-
¿Tlake tlamachtili tlen tlauel ipati tijpantik ipan tlapoualistli tlen ni semana?
3. Tlen mopouas ipan Biblia
(4 mins.) Mr 6:1-13 (th tlamachti 5).
4. Kema tijpeualtis tijnojnotsas
(2 mins.) XITLAJTOLMOYAUA KAMPA UELI. Amo uelki tikiljuia nopa maseuali tlen Biblia kiijtoua pampa ayokmo uelki tikamanaltik iuaya (lmd tlamachtili 1 punto 4).
5. Sampa xikinpaxalo
(4 mins.) XITLAJTOLMOYAUA KAMPA UELI. (lmd tlamachtili 2 punto 4).
6. Xikixtoma tlen tijneltoka
(5 mins.) Tlanextilili. ijwfq 59. Itoka: ¿Tlake kinpaleuia Jehová itlajtoltemakauaj ma kitlapejpenikaj tlaj iljuichiuasej? (th tlamachti 17).
Uikatl 59
7. Tijueyichiuaj Jehová kema tijchiuaj ni eyi tlamantli
(15 mins.) Tlen sansejko tikixtomasej.
Kema tiauij tlanechikoli ueli tijueyichiuaj Jehová. Ma tikitakaj eyi tlamantli tlen uelis tijchiuasej.
Kema tikamanaltij ininuaya toikniuaj: Kema tikamanaltisej ininuaya toikniuaj ma tikijtokaj kenijkatsa Jehová kinextia tlauel kuali iyolo (Sl 145:1, 7). ¿Tijtlakakilijkej o tijpojtokej se tlamachtili tlen techpaleuik? ¿Techpanok se kuali tlamantli kema titlajtolmoyauayayaj? ¿Techyolchikajki tlen kichijki o tlen kiijtok se akajya? ¿Techpaktia se tlamantli tlen Jehová kichijchijtok? Jehová techmakatok nochi nopa tlamantli (Snt 1:17). Tlaj tiasij kema ayamo peua tlanechikoli uelis tikamanaltisej ininuaya toikniuaj tlen ni tlamantli.
Kema titlanankiliaj: Ma tijchiuakaj kampeka titlanankilisej ipan tlanechikoli maske sampatsi (Sl 26:12). Uelis tikijtosej tlen kinankilia nopa tlajtlanili, seyok tlamantli o tikixtomasej se texto, se tlaixkopinkayotl o uelis tikijtosej kenijkatsa techpaleuia nopa tlamachtili. Tlauel techpaleuis tlaj kuali timomachtisej kema timokualchijchiuasej, kiampa nojkia uelis tlanankilisej maske sekinok momatlananasej. Ma tikilnamikikaj, tlaj amo tlauel tiuejkauaj kema titlanankiliaj, sekinok toikniuaj nojkia uelis tlanankilisej uan kiueyichiuasej Jehová (Heb 13:15).
Kema tiuikaj: Ma tiuikakaj ika miak pakilistli ipan tlanechikoli (Sl 147:1). Tlaj totlanechikol tlauel ueyi, uelis amo nochipa techiljuisej ma titlanankilikaj. Pero kena uelis tijueyichiuasej Jehová kema tiuikasej. Maske uelis timoiljuiaj amo kuali tiuikaj, Jehová tlauel yolpakis tlaj tijchiuaj kampeka tiuikasej ika nochi toyolo (2Co 8:12). Tlauel techpaleuis tlaj achtoui tiuikaj ipan tochaj.
Xikinnextili VIDEO Tlen panotiualajtok ipan Jehová itlanechikol: Uikatl tlen kiueyichiua Jehová (tlaxeloli 1). Teipa xitlatsintoka:
¿Kenijkatsa tijnextijtokej tlauel tijpatiitaj tijueyichiuasej Jehová ika uikatl?
8. Kampa techmachtiaj ika Biblia
(30 mins.) bt tlamachtili 9 párrs. 1-7, tlen ika peua tlaxeloli 3 uan recuadro ipan iamayo 70.
