9:1-7

Kema mopatlak Jesús itlachialis, ximoiljui kenijkatsa kiyolmatki kema kikajki iTata kiiljuik kuali tlen kichiuayaya. Tlen kikajki, kipaleuik ma kipia chikaualistli uan kiampa ueliskia kiijiyouis nochi kuesoli tlen teipa kipiaskia. Juan, Pedro uan Jacobo nojkia tlauel kinpaleuik. Nopa kichijki ma motemachikaj Jesús nelia eliyaya nopa Mesías uan tlauel kuali pampa kitokiliyayaj. Kema panotoya 32 xiuitl, Pedro nojua kiilnamikiyaya kenijkatsa tlen kiitak kipaleuik kuali ma tlaneltoka ipan tlajtolpanextili tlen eltok ipan toTeotsij iTlajtol (2Pe 1:16-19).

Maske tojuantij amo tikitakej tlen panok, nama tikitaj kenijkatsa moaxitia. Ipan ni tonali, Jesús ya tlanauatia. Uan nechka kintlanis ikualankaitakauaj uan kichiuas ni Tlaltipaktli se xochimili (Ap [Rev] 6:2).

Kema tikita moaxitia tlajtolpanextili tlen uala ipan Biblia, ¿kenijkatsa mitspaleuia kuali xitlaneltoka?