Katli sampa tikinpaxalouaj uan katli tikinmachtiaj ika Biblia, moneki tikinpaleuisej ma kikuamachilikaj tlen tlauel pankisa ipan se tlamachtili. Tlaj tikixnextisej tlen tlauel ipati uan tijtekiuisej neskayotl, nopa tlamachtili asis ipan ininyolo uan kiilnamiktosej.

Kema timoiljuis kenijkatsa tikixtomiliti se tlamachtili katli sampa tijpaxaloti uan katli tijmachtia ika Biblia, moneki tijpankixtis tlen tlauel ipati uan amo san tlen ueli tlajtoli. Teipa ximoiljui kenijkatsa tikixnextis tlen tlauel ipati uan tlake neskayotl tijtekiuis. Xijtekiui neskayotl tlen nima kikuamachilis (Mt 5:14-16; Mr 2:21; Lu 14:7-11). Nojkia ximoiljui tlake tlamantli ya kimati nopa maseuali uan kenijkatsa itstok (Lu 5:2-11; Jn 4:7-15). Tlauel kuali tijyolmatis kema tikitas nopa maseuali yolpaki pampa kikuamachilik se tlamachtili.

ACHTOUI XIKITA NOPA VIDEO TIYOLPAKIS TLAJ TIJPALEUIS SE MASEUALI. XIMOMACHTI KUALI TITLAMACHTIS: XIKIXNEXTI TLEN TLAUEL IPATI, UAN TEIPA XIJNANKILI NI TLAJTLANILI:

• ¿Kenke moneki tikinpaleuisej maseualmej ma kikuamachilikaj tlake kiijtosneki se texto?

• ¿Tlake neskayotl kitekiuik Rita kema kiixtonki Romanos 5:12?

• ¿Kenijkatsa kinpaleuia maseualmej kema kuali timoiljuiaj tlake neskayotl tijtekiuisej?

• ¿Kenke moneki tijtekiuisej videos uan sekinok tlamantli tlen Jehová itlanechikol techmakatok?