Tiitstokej ipan “itlamia tonali”, uan tijmatij nojua momiakilijtias tlen amo kuali (2Ti 3:1; Mt 24:8). ToTeotsij itlanechikol ajachika techiljuia tlake uelis tijchiuasej kema panos se tlamantli tlen amo kuali uan kiampa uelis timomanauisej. Tlaj nama tijchiuaj tlen techiljuiaj, tlaj kuali timokualchijchiuaj uan kuali titlaneltokaj, techpaleuis ma timomanauikaj kema se tlenijki techtlasojsoljuilis (Lu 16:10).

• Nojua kuali xitlaneltoka. Nochipa xijpoua Biblia uan ximomachti moselti. Xijpajpatla kej titlajtolmoyaua. Tlaj amo ueli tiitstok ininuaya toikniuaj, amo ximomajmati (Is 30:15). Xikilnamiki Jehová uan Jesús nochipa itstosej mouaya (od-S iamayo 175, 176 párrs. 15-17).

• Kuali ximokualchijchiua. Amo san moneki tijpiasej se mochila kampa tijtlalijtosej tlen tijtekiuisej. Nojkia ipan tochaj moneki tijpiasej tlakualistli, atl, pajtli uan sekinok tlamantli, pampa nopa techpaleuis tlaj monekis timokauasej miak tonali ipan tochaj (Pr 22:3; g17.5-S iamayo 4, 6).

ACHTOUI XIKITA NOPA VIDEO ¿TLAKE UELIS TIJCHIUASEJ TLAJ AYAMO TECHTLASOJSOLJUILIA SE TLENIJKI?, UAN TEIPA XIJNANKILI NI TLAJTLANILI:

• ¿Tlake techpaleuis kuali ma titlaneltokakaj uan kiampa tikijiyouisej kema techtlasojsoljuilis se tlenijki?

• ¿Kenke tlauel moneki...

  • ... timonojnotsasej ininuaya ueuejtlakamej?

  • ... tikajokuisej tlamantli tlen uelis tijtekiuisej kema techtlasojsoljuilis se tlenijki?

  • ... tikitasej tlake tlamantli ueliskia techtlasojsoljuilis uan tlake tijchiuaskiaj tlaj kiampa panoskia?

• Xikijto eyi tlamantli tlen ika uelis tikinpaleuisej sekinok.

XIMOTLAJTLANI: “¿Kenijkatsa ni ueyi kokolistli coronavirus nechpaleuijtok kuali ma nimokualchijchiua?”.