Nochi titlajtlakolejkej, yeka nochipa moneki tijchiuasej kampeka timonauatisej. Tlaj amo kuali timonauatisej, uelis kichiuas ayokmo kuali ma timouikakaj ika Jehová. Sekij san kinekij kipiasej kali, tlakualistli o yoyomitl, uan nopa kichijtok ayokmo tlauel ma kiiknelikaj Jehová. Sekij san auilnemij o kichiuaj tlen amo kinamiki ika inintlakayo uan amo moiljuiaj ipan Jehová itlanauatiljuaj (Ro 1:26, 27). Nojkia, sekij kichiuaj tlen sekinok kiniljuiaj pampa amo kinekij ma kintlaijiljuikaj (Éx 23:2).

¿Kenijkatsa uelis timonauatisej? Moneki tijchiuasej kampeka timosentlalisej tijtekipanosej Jehová (Mt 4:4). Nojkia, moneki ika nochi toyolo tikiljuisej Jehová ma techpaleui timonauatisej, pampa ya kimati tlake tlamantli techpaleuis uan kenijkatsa tijchiuasej kej kinamiki tlen techpaktia (Sl 145:16).

ACHTOUI XIKITA NOPA VIDEO ¡AMO XIJCHICHINA MONEMILIS!, UAN TEIPA XIJNANKILI NI TLAJTLANILI:

• ¿Kenke sekij tlachichinaj?

• ¿Tlake techpanos tlaj titlachichinasej?

• ¿Kenke amo kuali tijchichinas cigarros uan cigarros electrónicos? (2Co 7:1).

• ¿Tlake mitspaleuis ayokmo titlachichinas?