Katli tikinmachtiaj moneki kuali tlaneltokasej uan kiampa kiyolpakijtisej toTeotsij (Heb 11:6). Amochtli Nochipa xiitsto techpaleuis ma asi ipan ininyolo tlen tikinmachtisej. Kipia textos tlen pankisa, kipia tlen kinpaleuia ma moyoliljuikaj, tlajtlanili tlen amo ouij, yejyektsitsij tlaixkopinkayomej uan videos. Tlaj katli tikinmachtiaj tikinpaleuiaj ma kinextikaj kuajkuali tlamantli uan ma mouampojchiuakaj ika Jehová, tikinpaleuisej nochipa kuali ma kineltokakaj (1Co 3:12-15).

Se keskij maseualmej kimatij ouij mouampojchiuasej iuaya toTeotsij pampa amo uelij kiitaj. Yeka, moneki tikinpaleuisej ma kiixmatikaj Jehová uan ma motemachikaj ipan ya.

ACHTOUI XIKITA NOPA VIDEO XIKINPALEUI KUALI MA TLANELTOKAKAJ IPAN JEHOVÁ IKA AMOCHTLI “NOCHIPA XIITSTO”, UAN TEIPA XIJNANKILI NI TLAJTLANILI:

• ¿Kenke tikijtouaj tosiuaikni kuali mokualchijchijki pampa tlamachtiskia?

• ¿Tlake tlajtlanili kichijki tosiuaikni uan kiampa katli kimachtia uelki kiijtoua tlake kimachtia Isaías 41:10, 13?

• ¿Kenijkatsa kipaleuik katli momachtia Biblia nopa video uan nopa textos?

Miakej maseualmej amo kuali kikuamachiliaj kenijkatsa kinpaleuia Cristo imikilis o amo kiitaj kej se nemaktli tlen toTeotsij kinmakatok (Gál 2:20). Yeka, moneki tijchiuasej kampeka tikinpaleuisej ma motemachikaj ipan tlen Jesús kichijki.

ACHTOUI XIKITA NOPA VIDEO XIKINPALEUI KUALI MA TLANELTOKAKAJ IPAN JESÚS IKA AMOCHTLI “NOCHIPA XIITSTO”, UAN TEIPA XIJNANKILI NI TLAJTLANILI

• ¿Kenke tikijtouaj toikni kuali mokualchijchijki pampa tlamachtiskia?

• ¿Kenijkatsa kitekiuik kampa kiijtoua “Nojkia xikita ni” uan kiampa kipaleuik katli kimachtia?

• ¿Kenke tlauel ipati timomaijtosej kema titlamachtiaj?