Kema nelia tikinikneliaj toikniuaj, kichiua ma timotemachikaj kipatlasej ininnemilis (1Co 13:4, 7). Se neskayotl, kema se toikni tlajtlakolchiua uan kitlalnamiktiaj, timotemachiaj kichiuas tlen ueuejtlakamej kiiljuijkej. Tijpiaj toyolo ika toikniuaj katli amo kuali tlaneltokaj uan tijchiuaj kampeka tikinpaleuisej (Ro 15:1). Uan tlaj se akajya mouejkatlalia tlen tlanechikoli, amo kema timoiljuiaj ayokmo tlakuepilis (Lu 15:17, 18).

ACHTOUI XIKITA NOPA VIDEO MA TIKILNAMIKIKAJ SE KATLI TEIKNELIA KICHIA TLEN KUALI, UAN TEIPA XIJNANKILI NI TLAJTLANILI:

• ¿Kenijkatsa moyolpatlak Abner?

• ¿Tlake kichijkej David uan Joab kema Abner tlajtlanki se keski tlamantli?

• ¿Kenke moneki timoiljuisej toikniuaj kuali monejnemiltisej?