Monechkauia itlamia tonali, yeka nojua tlauel panos miak tlamantli, kej kualantli, terrorismo uan tlauilankayotl (Ap 6:4). ¿Tijmatij tlake tijchiuasej kema panos ni tlamantli?

• Xijchiua kampeka nojua kuali titlaneltokas: Ximoiljui ipan textos uan ipan tlapoualistli tlen mitspaleuis nojua ximotemachi ipan Jehová uan ipan itlanechikol, kiampa amo tikixpanos (Pr 12:5; jr-S iamayo 125, 126 párrs. 23, 24). Tlauel mitspaleuis tlaj nama kuali timouampojchiuas ininuaya toikniuaj (1Pe 4:7, 8).

• Xijpixtok tlen mitspaleuis: Xikajokui tlen uelis tijkuas uan ximoiljui tlake tijchiuas kema ayokmo uelis tikisas mochaj. Kuali ximoiljui ika kanke timochololtis. Xikita tlake tijpixtok ipan momochila, uan xijtlali tomij, tlen ika timotentsakuas, guantes uan sekinok tlamantli tlen mitspaleuis. Xijpixto ininnúmero ueuejtlakamej uan nojkia xikinmaka monúmero (Is 32:2; g17.5-S iamayo 3-7).

Kema pano tlen amo kuali, nojua xijtekipanojto Jehová uan nochipa ximomachti (Flp 1:10). Uelis tikisas mochaj san kema monekis (Mt 10:16). Xikinmaka sekinok tlen tijpia (Ro 12:13).

ACHTOUI XIKITA NOPA VIDEO ¿TIJMATI TLAKE TIJCHIUAS KEMA PANOS TLEN AMO KUALI?, UAN TEIPA XIJNANKILI NI TLAJTLANILI:

• ¿Kenijkatsa uelis techpaleuis Jehová kema panos tlen amo kuali?

• ¿Kenijkatsa uelis timokualchijchiuasej?

• ¿Kenijkatsa uelis tikinpaleuisej sekinok?