Kema Jesús tlajtolmoyajki kiijtouayaya tlen panoyaya ipan nopa tonali pampa kinekiyaya kuali tlamachtis (Lu 13:1-5). Ta nojkia uelis tijtekiuis tlen maseualmej kinekij kimatisej, kiampa kuali mitstlakakilisej. Kema ya tikiljuijtos nopa maseuali ouij tijpiasej tlen moneki, techtlasojsoljuilia miak tlamantli, onka kualantli, miakej kitekiuiaj drogas o kichiuaj sekinok tlamantli tlen amo kuali, xijtlatsintoki: “¿Timoiljuia se tonali kema tlamis...?” o “¿Tlake uelis tijchiuasej tlaj tijnekij ma tlami...?”. Teipa xijpouili se texto tlen mouika ika tlen tikiljuik. Tlaj kuali mitstlakakilik, xijnextili se video o xijmaka se amatlajkuiloli “Tlen tlauel tijtekiuiaj”. Xijchiua kampeka ma asi ipan ininyolo tlen tikiniljuis uan xijmoyaua “nopa kuali tlajtoli” (1Co 9:22, 23).

¿Tlake tlamachtili kinpaktiskia kampa titlajtolmoyaua?