Satanás uan katli kinnauatia istlakatij pampa kinekij ayokmo kuali ma titlaneltokakaj (2Co 11:3). Kiampa kichijkej asiriaeuanij: amo kiijtojkej nochi tlen melauak uan kiijtojkej miak istlakatili pampa kinekiyayaj israeleuanij ayokmo ma kitekipanokaj Jehová (2Cr 32:10-15). Uan apóstatas nojkia kiampa kichiuaj. Kiijtouaj istlakatili, yeka amo kinamiki tikintlakakilisej. Amo kema ma tijpouakaj tlen kiijkuilouaj yon ma tikinnankilikaj uan amo ma tikinpouilijtinemikaj sekinok. Xijchiua kampeka nima tijkuamachilis kema se akajya kineki ayokmo ximotemachi ipan Jehová uan ipan itlanechikol, uan amo xijtlakakili (Jud 3, 4).

ACHTOUI XIKITA NOPA VIDEO “XIJCHIUAKAJ SE UEYI KAMPEKA NOJUA KUALI INTLANELTOKATIASEJ” (KIXELOJTOKEJ), UAN TEIPA XIJNANKILI NI TLAJTLANILI:

• ¿Kenke moneki timomokuitlauisej tlaj tijtlachiliaj uan tijtekiuiaj kampa miakej tlajkuilouaj ipan internet?

  Tlen timoiljuia

• ¿Kenijkatsa uelis tijchiuasej tlen kiijtoua Romanos 16:17?

  Tlen timoiljuia