¿Tlake eli nopa Biblia ika audio? Eli se grabación tlen nopa yankuik Biblia Traducción del Nuevo Mundo tlen mokixtijtia ika yolik ipan miak tlajtoli. Kitekiuijkej inintoskak miakej toikniuaj, yeka amo eli sanse kej sekinok audios. Nojkia pampa kipouaj kej kinamiki uan kipatlatiauij inintoskak, kichiua kuali ma tijkuamachilikaj Biblia.

¿Kenijkatsa techpaleuia tijtlakakilisej Biblia ika audio? Miakej tlauel kinpaleuia kema kitlakakiliaj Biblia ika audio, pampa kichiua ma kiyolmatikaj kejuak nopaya itstokej. Kema kitlakakiliaj itoskak sejse maseuali tlen uala ipan Biblia, kuali kikuamachiliaj nopa tlapoualistli uan kichiua ma moiljuikaj kejuak kiitstokej tlen panotok (Pr 4:5). Uan sekinok kiijtouaj kema kitlakakiliaj ni audios kinpaleuia ma kipiakaj tlaseuilistli kema motekipachouaj (Sl 94:19).

Tlaj tijtlakakilia Biblia ika audio tlauel mitspaleuis (2Cr 34:19-21). ¿Eltok Biblia ika audio nejmaxtik o san se achi ipan motlajtol? ¿Ueliskia timosentlalis nochipa tijtlakakilis?

ACHTOUI XIKITA NOPA VIDEO BIBLIA IKA AUDIO: TLEN PANOK KEMA KICHIJKEJ (KIXELOJTOKEJ), UAN TEIPA XIJNANKILI NI TLAJTLANILI:

¿Tlake tlamantli kichiua ximosentlachili tlen nopa Biblia ika audio?