Kema titlajtolmoyauaj kampa ueli, uelis tlauel techpaktis uan uelis tikinnojnotsasej miakej maseualmej. Maske uelis kiampa techpanos, miakej tlauel majmauij monojnotsasej ininuaya sekinok pampa san moiljuijtokej kenijkatsa uelis kinkamanaljuisej tlen Biblia. Amo san ximoiljuijto kenijkatsa uelis tijkamanaljuis tlen Biblia se akajya, xijchiua kampeka tijmatis tlake kipano nopa maseuali (Mt 22:39; Flp 2:4). Tlaj uelis tijkamanaljuis tlen Biblia kema timonojnotsas iuaya, onka miak tlamantli tlen mitspaleuis.

Tlaj kema timonojnotsa iuaya se akajya uelis tijkamanaljuis tlen Biblia, ¿kenijkatsa ni tlamantli uelis mitspaleuis?

ACHTOUI XIKITA NOPA VIDEO ‘SE TEPOSTLI KITENTIA SEYOK TEPOSTLI’: KEJ MONEKI TIJPEUALTIS TITENOJNOTSAS, UAN TEIPA XIJNANKILI NI TLAJTLANILI:

¿Tlake eyi tlamantli mitspaleuis ximonojnotsa iuaya se akajya?