“Toteko kipantia pakilistli ipan itlakauaj” (Sl 149:4). Maske titlajtlakolejkej Jehová kiita nopa kuajkuali tlamantli tlen tijnextiaj uan tlen tiuelij tijchiuaj. Kemantika, uelis tijmatij ouij timoitasej kej Jehová techita. Uelis kemantika kiampa tijmatij pampa sekinok techchiuiliaj tlen amo kuali, o tlen tijchijkej uejkajkia kichiua amo ma timopatiitakaj uan ma timoiljuikaj amo kinamiki Jehová ma techikneli. Tlaj kiampa timomachilijtok, ¿tlake uelis mitspaleuis?

Xikilnamiki, toTeotsij amo kiita tlamantli kej maseualmej kiitaj (1Sa 16:7). Kema ya techita, kiita tlen tojuantij amo kema tikitaskiaj. Biblia techpaleuia ma tijmatikaj tlake tlamantli kiita. Tlaj timomachtiaj se keski textos uan tikitaj se keski tlapoualistli, tijmatisej kenijkatsa Jehová tlauel kiniknelia itekipanojkauaj.

ACHTOUI XIKITA NOPA VIDEO XIJCHIUA MOYOLO MA KIKUAMACHILI JEHOVÁ MITSTLAPOJPOLJUIK, UAN TEIPA XIJNANKILI NI TLAJTLANILI:

• Kej nopa motlalojketl uan itata, ¿kenijkatsa techita Jehová?

  Tlen timoiljuia

• Tlaj se akajya kichijki se ueyi tlajtlakoli, uan kinextijtok ipan inemilis sampa kineki mouampojchiuas iuaya Jehová, ¿tlake uelis kipaleuis ayokmo ma kiyolkokojto tlen kichijki? (1Jn 3:19, 20).

  Tlen timoiljuia

• ¿Kenijkatsa nopa toikni kipaleuik kema kipojki uan moyoliljuik tlen kichijkej David uan Josafat?

  Tlen timoiljuia