KEJ TIMONEJNEMILTIAJ
¿Timokualchijchijtok ika tlen uelis mitspaleuis kema amo onkas tomij?
¿Kenke amo timosentlachiliaj kema tikitaj kampa ueli onka tlaouijkayotl pampa amo onka tomij? Pampa tiitstokej ipan itlamia tonali, uan Biblia kiijtoua amo ma timotemachikaj ipan tomij (1Ti 6:17; 2Ti 3:1). ¿Kenijkatsa techpaleuia tlen Josafat kichijki ma timokualchijchijtokaj uan kiampa tikixnamikisej tlaouijkayotl kema amo tijpiasej tomij?
Kema ikualankaitakauaj yajkej kiteuitoj, Josafat motemachik ipan Jehová (2Cr 20:9-12). Ya ipa kichijtoya se keski tlamantli tlen ika kimanauiskia ialtepe: kikualtlalik nopa tepamitl uan kiniljuik itlateuijkauaj tlen monekiyaya kichiuasej (2Cr 17:1, 2, 12, 13). Tojuantij nojkia moneki timotemachisej ipan Jehová, uan timokualchijchiuasej ika tlen techpaleuis kema ayamo tikixnamikij tlaouijkayotl.
ACHTOUI XIKITA NOPA VIDEO ¿TIJMATI TLAKE TIJCHIUAS KEMA PANOS TLEN AMO KUALI?, UAN TEIPA XIJNANKILI NI TLAJTLANILI:
-
¿Kenijkatsa uelis timokualchijchijtos kema panos tlen amo kuali?
-
¿Kenijkatsa uelis tikinpaleuis sekinok?
