Nopa amochtli What Can the Bible Teach Us? (ayamo eltok ipan totlajtol) eli sanse kej amochtli ¿Tlake nelnelia tlamachtia Biblia? Maske kipia sanse tlamachtili uan nopa capítulos motekpantok kej ipan amochtli Tlamachtia Biblia, ipan ni yankuik amochtli amo ouij kiixtoma nopa tlamachtili. Ni amochtli kinpaleuis katli kimatij ouij kikuamachilisej amochtli Tlamachtia Biblia. Kampa tlami ni amochtli ayokmo kipia sekinok tlamachtili, nama kipia notas tlen kiixtoma se keski tlajtoli uan tlamachtili tlen eltok ipan párrafos. Kampa peua sejse capítulo, ayokmo kipia tlajtlanili yon kipia nopa recuadro kampa tlami sejse capítulo. Nama kampa tlami sejse capítulo kipia se resumen kampa kiixtoma tlamachtili tlen tlauel pankisa ipan nopa capítulo. Maske ipan se metstli titemakatinemisej seyok amatlajkuiloli, nojkia uelis titemakasej ni amochtli sanse kej titemakaj amochtli Tlamachtia Biblia. ¿Kenijkatsa uelis tijtekiuisej ni yankuik amochtli kema titlamachtisej ika Biblia?

RESÚMENES: Kema titlamachtisej, miakej tikinmachtisej ika amochtli Tlamachtia Biblia uan tijchiuasej kej ipa tijchiuaj, tijpojtiasej párrafos uan tijchijtiasej tlajtlanili. Uan ¿tlake tijchiuasej tlaj nopa maseuali amo kuali tlapoua o kamanalti seyok tlajtoli? Uajka uelis tijtekiuisej amochtli Tlamachtia Biblia ika tlajtoli tlen amo ouij. Uelis tijmachtisej ika nopa resumen tlen eltok kampa tlami sejse capítulo, uan uelis tikiljuisej teipa iselti ma kipoua nopa párrafos. Ipan se 15 minutos uelis tikixtomilisej se tlamachtili. Ipan resúmenes san moixtoma se keski tlamantli, yeka monekis kuali ma timokualchijchiuakaj uan ma timoiljuikaj tlake uelis kipaleuis katli tijmachtiaj. Uan tlaj timomachtisej nochi párrafos, uajka ika nopa resumen uelis tikompauisej tlen timomachtijkej.

NOTAS: Nopa tlajtoli tlen eltok ipan notas kitekpantokej kej nestiajki ipan capítulos. Tojuantij uelis tijtlapejpenisej tlaj tikitasej nopa notas kema timomachtiaj o teipa.