Tlaj katli tikinmachtiaj kinekij kuali tlaneltokasej, moneki momachtisej sekinok tlamantli uan amo san tlen amo ouij (Mt 5:3; Heb 5:12-6:2). Moneki kiyekosej ininselti momachtisej.

Nima xikinnextili katli tikinmachtia ma mokualchijchiuakaj ika tlen inmomachtisej uan xikinpaleui nochipa kiampa ma kichiuakaj (mwb18.03 iamayo 6). Xikiniljui tlauel kinpaleuis tlaj momaijtosej kema ininselti momachtisej Biblia. Xikinnextili kenijkatsa uelis momachtisej ika inincelular o tableta, uan ma kiitakaj tlen namanok kitlalijtokej ipan jw.org uan ipan JW Broadcasting^®. Yolik xikinpaleui ma kipouakaj Biblia mojmostla, ma momachtikaj tlen kiitasej ipan tlanechikoli uan ininselti ma kitemokaj tlen kinekij kimatisej. Xikiniljui ma kichiuakaj kampeka moyoliljuisej ipan tlen kiyekouaj.

ACHTOUI XIKITA NOPA VIDEO XIKINPALEUI KATLI TIKINMACHTIA ININSELTI MA MOMACHTIKAJ, UAN TEIPA XIJNANKILI NI TLAJTLANILI:

• ¿Kenijkatsa Rita kipaleuik Jade ma kiita kema momachtis amo san moneki kiitas kenijkatsa monankilia se tlajtlanili?

• ¿Tlake kipaleuik Jade uan kiampa kikuamachilik Jehová amo kineki ma timomekatikaj?

• ¿Tlake kikuamachilik Jade kiijtosneki timoyoliljuisej?