Ipan miak xiuitl tlen panotok, Jehová itekipanojkauaj kichijtokej uejueyi tlamantli pampa Jehová kinpaleuijtok uan amo pampa inijuantij tlauel kimatij kichiuasej se tlamantli. Ipan 1954 toikniuaj kichijchijkej ika tlajtoli inglés nopa película “¿Kenijkatsa tekitij Jehová itekipanojkauaj?”. Miakej toikniuaj katli tlapaleuijkej amo kimatiyayaj kenijkatsa mochijchiua se película. Nopa tekitl uelki mochiua pampa Jehová kinpaleuik ika itonal. Tlen panok kinextia tlaj timotemachiaj ipan Jehová, uelis tijchiuasej nochi tekitl tlen techmakasej (Zac 4:6).

ACHTOUI XIKITA NOPA VIDEO KEJ MOCHIJCHIJKI NOPA VIDEO ¿KENIJKATSA TEKITIJ JEHOVÁ ITEKIPANOJKAUAJ?, UAN TEIPA XIJNANKILI NI TLAJTLANILI:

• ¿Kenke kichijchijkej nopa película tlen nopa Ueyi Kali Betel?

• ¿Kenijkatsa nopa película kinextia tlen mochiua ipan Betel eli kej tekiti totlakayo? (1Co 12:14-20).

• ¿Tlake tlaouijkayotl kinpanok toikniuaj uan kenijkatsa kiixnamijkej?

• ¿Kenijkatsa ni película kiixtoma tlen ueli kichiua toTeotsij iTonal?