Tosiuaikniuaj tlauel tlapaleuiaj ipan tlajtolmoyaualistli (Sl 68:11). Inijuantij kinmachtiaj miakej maseualmej, uan tlauel miakej tlatekipanouaj kej precursoras. Miakej tlatekipanouaj ipan Betel, elij misioneras, tlapaleuiaj kampa mochijchiua kali kampa titlaueyichiuaj o tlajtolkuepaj. Tosiuaikniuaj katli kuali tlaneltokaj, tlauel kinpaleuiaj ininchampoyouaj uan toikniuaj tlen tlanechikoli (Pr 14:1). Maske inijuantij amo uelij tlatekipanosej kej ueuejtlakamej yon tlapaleuianij, uelis mosentlalisej kichiuasej sekinok tlamantli. Yeka, tosiuaikniuaj, ¿kenijkatsa uelis nojua tlauel inkitekipanosej Jehová?

• Inkichiuasej kampeka inkinextisej kuajkuali tlamantli (1Ti 3:11; 1Pe 3:3-6).

• Inkinpaleuisej tosiuaikniuaj katli amo uelij kichiuaj miak tlamantli (Tit 2:3-5).

• Inkichiuasej kampeka nojua tlauel uan kuali intlajtolmoyauasej.

• Inkiyekosej seyok tlajtoli.

• Intlapaleuisej kampa monekij tlajtolmoyauanij.

• Inmosentlalisej intlatekipanosej Betel o kampa kichijchiuaj kali kampa titlaueyichiuaj.

• Inmosentlalisej inyasej Kampa kinmachtiaj katli senkistok tlatekipanouaj.

ACHTOUI XIKITA NOPA VIDEO “SIUAMEJ KATLI TEKITIJ IKA NOCHI ININYOLO IPAN TOTEOTSIJ ITEKI”, UAN TEIPA XIJNANKILI NI TLAJTLANILI:

• ¿Kenijkatsa mitsyolchikajkej ni tosiuaikniuaj?