Jehová tlauel kipatiita kema itekipanojkauaj momaijtouaj uan kiita kej nopa tlaajuiyajkayotl tlen kitlatiyayaj ipan teokali uan tlauel ajuiyak mijyotiyaya (Sl 141:2). ¿Kenke kiampa kiita? Ximoiljui ni: kema timomaijtouaj, tijtlaskamatiliaj Jehová uan tikiljuiaj tlauel tikikneliaj, tikiljuiaj tlen techtekipachoua, tlen tijnekij tijchiuasej uan tikiljuiaj ma techyakana. Jehová tlauel kipaktia ni tlamantli pampa kiampa tijnextiaj tijpatiitaj timouampojchijtosej iuaya. Nopa tlamaijtoli tlen mochiua ipan tlanechikoli, nojkia kiita kej se tlamantli tlen ika tijueyichiuaj. Ximoiljui kenijkatsa Jehová tlauel yolpaki kema uejkaua timomaijtouaj toselti uan tikiljuiaj tlen timoiljuiaj uan tlen tijyolmatij (Pr 15:8).

ACHTOUI XIKITA NOPA VIDEO TLAUEL NIJPATIITA NIMOMAIJTOS, UAN TEIPA XIJNANKILI NI TLAJTLANILI:

• ¿Tlake tekitl kiselijtok ipan tlanechikoli toikni Johnson?

• ¿Kema momaijtouayaya toikni Johnson pampa kinekiyaya Jehová ma kipaleui?

• ¿Tlake mitsmachtia tlen kipanok toikni Johnson?