Jesús kiijtok sekinok temakaj tlen kipiaj kema kiitaj se akajya kiampa kichiua (Lu 6:38). Tlaj titemakasej tlen tijpiaj uan tikinpaleuisej sekinok, toikniuaj nojkia kiampa kinekisej kichiuasej.

Tijueyichiuaj Jehová kema titemakaj tlen tijpiaj ika nochi toyolo. Jehová kiita tlen kichiuaj katli kinpaleuiaj toikniuaj kema moneki uan kiijtoua kinteochiuas katli kiampa kichiuaj (Pr 19:17).

ACHTOUI XIKITA NOPA VIDEO TLASKAMATI PAMPA INTEMAKAJ TLEN INKIPIAJ, UAN TEIPA XIJNANKILI NI TLAJTLANILI:

• ¿Kenijkatsa motekiuia nopa tomij tlen titemakaj?

• Tlaj tijpiaj miak o amo, ¿kenke moneki nochipa titemakasej tlen tijpiaj? (Xijpoua “Katli kipiaj miak, kinpaleuiaj katli amo tleno kipiaj”, tlen eltok ipan jw.org).