¿KENKE TLAUEL MONEKI? Kej Jesús, moneki titlamachtisej tlen toTeotsij mosentlalijtok kichiuas teipa (Jn 18:37). Maske ipan ni tonali onka miak istlakatili uan sekinok kichiuaj tlen amo xitlauak, tojuantij moneki tipakisej “ika tlen melauak”. Ni eli kema amo tiistlakatij uan kema timoiljuiaj ipan “tlamantli tlen xitlauak uan tlen tlapajpaktik” (1Co 13:6; Flp 4:8).

¿TLAKE MONEKI TIJCHIUASEJ?

• Amo tikijtojtinemisej tlen amo kuali yon amo tiistlakatisej (1Te 4:11).

• Amo tipakisej kema sekinok tlaijiyouiaj o kema kinpano tlen amo kuali.

• Moneki timoiljuisej san ipan kuali tlamantli uan tlen kinpaleuis sekinok.

ACHTOUI XIKITA NOPA VIDEO AMO NIMA KUALANI UAN KIPIA IYOLO: TLEN TEIKNELIA PAKI IKA TLEN MELAUAK UAN AMO IKA TLEN AMO KUALI, UAN TEIPA XIJNANKILI NI TLAJTLANILI:

• ¿Kenijkatsa kinextik Lisi pakiyaya “ika tlen axkuali”?

• ¿Tlake kichijki Alicia uan kiampa pejkej kamanaltij ipan tlamantli tlen kinpaleuiskia?

• ¿Ipan tlake kuali tlamantli uelis tikamanaltisej?