Katli timotemaktilijtokej ika Jehová uan timoatsonpoliuiltijtokej tijpiaj se ueyi tlateochiualistli: uelis kuali timouikasej iuaya Jehová. Jehová kinejki ma tiitstokaj ipan itlanechikol, yeka techyoltilanki ika Jesús (Jn 6:44). Uan Jehová nojkia kikaki kema timomaijtouaj (Sl 34:15).

¿Kenijkatsa amo tijkauasej yon se tlamantli ma techuejkatlali tlen Jehová? Amo ma tijchiuakaj tlen amo kuali kej israeleuanij kichijkej. Maske amo panotoya miak tonali kema Jehová kichijtoya se tlajtolsenkaualistli ininuaya, inijuantij kichijchijkej se becerro tlen oro uan kiueyichijkej (Éx 32:7, 8; 1Co 10:7, 11, 14). Ximotlajtlani: “¿Tlake nijchiua kema nechyoltilana tlen amo kuali? ¿Tlen nijchiua kinextia nijpatiita kuali nimouikas iuaya Jehová?”. Kema tlauel tikikneliaj Jehová amo tijchiuaj tlen amo kipaktia (Sl 97:10).

ACHTOUI XIKITA NOPA VIDEO AMO MA TIJKAUAKAJ YON SE TLAMANTLI MA TECHUEJKATLALI TLEN JEHOVÁ, UAN TEIPA XIJNANKILI NI TLAJTLANILI:

• ¿Tlake kiijtosneki tlauel tijnekisej se tlamantli?

• ¿Kenke amo kinamiki tlauel tijnekisej se tlamantli uan tijueyichiuasej se tlenijki?

• ¿Ipan tlake tlamantli eli sanse timomekatis uan tijueyichiuas se tlamantli?

• ¿Kenke toikniuaj katli kipiaj se tekitl ipan tlanechikoli moneki kiitasej tlake kinpoloua ininnamik?