Tlauel tikamanaltis. Kema ta titlamachtis amo ximoiljui moneki tikixtomas nochi. Jesús kitekiuiyaya tlajtlanili kema kinmachtiyaya maseualmej uan kiampa inijuantij kimatiskiaj tlen kinekiyaya kinmachtis (Mt 17:24-27). Tlaj tijchiuas tlajtlanili, katli tijmachtia amo kuesiuis, uan tijmatis tlake kineltoka uan tlaj kikuamachilia nopa tlamachtili (be-S iamayo 253 párrs. 3, 4). Kema tijchiuilis se tlajtlanili, xijpia moyolo uan xijchia ma mitsnankili. Tlaj amo kimati kenijkatsa tlanankilis, amo xikiljui tlen moneki kiijtos; uelis tijchiuilis sekinok tlajtlanili uan kiampa iselti kimatis kenijkatsa tlanankilis (be-S iamayo 238 párrs. 1, 2). Yolik xikamanalti, kiampa katli tijmachtia kikuamachilis tlen tikixtomilia (be-S iamayo 230 párr. 4).

Tikixtomas miak tlamantli. Xijchiua kampeka amo tikixtomilis nochi tlen tijmati tlen nopa tlamachtili (Jn 16:12). San xikixtomili tlen tlauel pankisa ipan sejse párrafo (be-S iamayo 226 párr. 4; iamayo 227 párr. 1). Tlaj tikixtomilis miak tlamantli, amo kikuamachilis tlen tijnekiyaya tijmachtis (be-S iamayo 235 párr. 3). Tlaj katli tijmachtia kikuamachilijkia tlen tijmachtiyaya, uajka xikixtomili nopa seyok párrafo.

San tikiljuis tlen kiijtoua ipan nopa tlamachtili. Kema tijmachtiaj se akajya amo moneki san tijpouilisej tlen kiijtoua nopa amatlajkuiloli, tijnekij ma asi ipan iyolo tlen tijmachtiaj (Lu 24:32). ToTeotsij iTlajtol tlauel kipaleuis katli tijmachtia, yeka kuali xijtekiui nopa textos tlen pankisa ipan nopa tlamachtili (2Co 10:4; Heb 4:12; be-S iamayo 144 párrs. 1-3). Xijtekiui neskayotl tlen uelis kikuamachilis (be-S iamayo 245 párrs. 2-4). Tlaj tijmajtos tlake tlamantli kimati o kimachilia ouij uan tlake kineltoka katli tijmachtia, tijmatis kenijkatsa kuali tijmachtis. Xijtlajtlanili: “¿Kenijkatsa tikita tlen nama timomachtik? ¿Tlake mitsmachtia tlen Jehová? ¿Kenijkatsa mitspaleuis tlaj tijchiuas tlen timomachtijkej?” (be-S iamayo 238 párrs. 3-5; iamayo 259 párr. 1).