KEJ TIMONEJNEMILTIAJ
Kema se konetl techualnankilia
¿Tlake tijchiuasej tlaj se konetl techualnankilis kema titlajtolmoyauasej? Ma tijtlajtlanilikaj tlaj itstokej itatauaj, kiampa tijnextisej tikintlepanitaj (Pr 6:20). Amo tipanosej maske nopa konetl techiljuis ma tipanokaj. Tlaj itatauaj amo itstokej o motekiuijtokej, ma titlakuepilikaj seyok tonali.
Uan maske techualnankilis se telpokatl o se ichpokatl, nojkia moneki tijtlajtlanilisej tlaj itstokej itatauaj. Tlaj itatauaj amo itstokej o motekiuijtokej, ma tijtlajtlanilikaj tlaj kikauiliaj ma kipoua tlen ya kineki. Tlaj kiijtos kena, uajka uelis tijmakasej se amatlajkuiloli o tikiljuisej ma kitlachili jw.org ipan Internet.
Kema sampa tijpaxalotij nopa telpokatl o ichpokatl katli kuali techtlakakilik, ma tikiljuikaj tijnekiskiaj tikinixmatisej itatauaj. Kiampa uelis tikinixtomilisej itatauaj kenke tijpaxalouaj ikone, uan uelis tikiniljuisej kenijkatsa Biblia uelis kinpaleuis ininchampoyouaj (Sl 119:86, 138). Tlaj tijnextiaj tikintlepanitaj tetajmej, kuali techselisej uan kiampa uelis tikinnojnotsasej sekinok ichampoyouaj (1Pe 2:12).