Ipan noviembre tijchiuasej kampeka tikiniljuisej nochi maseualmej nechka tiitstosej ipan se yankuik Tlaltipaktli (Sl 37:10, 11; Ap 21:3-5). Yeka, ¿uelis tijpatlasej se keski tlamantli ipan tonemilis uan kiampa tlauel titlajtolmoyauasej ipan nopa metstli? Katli tlatekipanosej kej precursores auxiliares, uelis temakasej 30 o 50 horas.

Ipan nopa metstli, xikinpouili nochi katli tikinpantis se texto kampa kamanalti tlen nopa yankuik Tlaltipaktli. Kema tijtlapejpenis tlake texto tikinpouilis maseualmej katli itstokej kampa ta tiitstok, ximoiljui ipan tlen kineltokaj. Tlaj se akajya kuali mitstlakakilis kema achtoui tijnojnotsas, xijmaka Tlen Tematiltia pilamochtsi 2, 2021 (tlen ika titlajtolmoyauaj). Nima xijnojnotsa nopa maseuali uan xijmachti ika amochtli Nochipa xiitsto. ¡Tlauel tiyolpakij pampa tlauel timotekiuijtosej kema tijmoyauasej nopa kuali tlamachtili! (Is 52:7).

ACHTOUI XIKITA NOPA VIDEO IKA UIKATL NOPA NEMILISTLI TLEN NELNELIA KUALI, UAN TEIPA XIJNANKILI NI TLAJTLANILI:

• ¿Kenijkatsa moyoliljuia nopa pilsiuapiltsi itstos teipa?

• ¿Tlake tlamantli tlen moaxitis ipan yankuik Tlaltipaktli tijnekiskia nima ma moaxiti?

• ¿Kenke tlaj timoyoliljuis ipan nopa yankuik Tlaltipaktli mitspaleuis tlauel titlajtolmoyauas ipan noviembre? (Lu 6:45).