Se motlalojketl nochipa moneki kikualtlalis itlakayo tlaj kineki nochipa kuali motlalos, tojuantij nojkia moneki tijchiuasej kampeka tikitasej tlake kena uelis tijchiuasej ipan tonemilis o kuali tijtlapejpenisej se tlamantli (Heb 5:14). Maske uelis tijchiuasej tlen sekinok kichiuaj, moneki toselti tijtlapejpenisej kenijkatsa tijnekij tijchiuasej se keski tlamantli. ¿Kenke moneki kiampa tijchiuasej? Pampa toTeotsij techtlajtlanis tlen tijchijkej (Ro 14:12).

Amo ma timoiljuikaj nochipa kuali tijtlapejpenisej tlen tijnekij tijchiuasej pampa tijpiaj miak xiuitl timoatsonpoliuiltijtokej. Yeka, moneki nochipa timotemachisej ipan Jehová, ipan itlanechikol uan ipan Biblia (Jos 1:7, 8; Pr 3:5, 6; Mt 24:45).

ACHTOUI XIKITA NOPA VIDEO “XIJPIAKAJ KUALI INMOTLALNAMIKILIS”, UAN TEIPA XIJNANKILI NI TLAJTLANILI:

• ¿Tlake monekiyaya kitlapejpenis Emma?

• ¿Kenke amo kinamiki tikiljuisej se akajya tlake moneki kichiuas?

• ¿Tlake kiiljuijkej Emma se toikni iuaya isiua?

• ¿Kanke kipantik Emma tlen ueliskia kipaleuis?