Kampa peua jw.org nesi tlamachtili uan videos tlen tlauel kinyoltilana maseualmej katli kinekij kiixmatisej toTeotsij (Hch 13:48). Nopaya nesi tlen namanok panotok uan nojkia tlen kinekij kimatisej maseualmej.

¿Kenijkatsa uelis tijtekiuis tlen nopaya nesi kema titlajtolmoyauas?

• Nochipa xikita tlake yankuik tlamachtili kistok ipan jw.org. Xikita kampa kiijtoua “Tlen kualtiaskia tikitas” uan ximoiljui kenijkatsa uelis tijtekiuis kema titlajtolmoyauas (tlaj tijneki tikitas tlen namanok kistok, xijpacholi kampa kiijtoua “Nojua xikita sekinok”). ¡Tlen nopaya nesi mitspaleuis tijmatis tlake tikijtos kema titlajtolmoyauas!

• Xijtekiui nopa tlamachtili uan videos tlen nesi kampa peua jw.org kema peuas tikamanaltis ininuaya maseualmej. Tlen nopaya nesi mitspaleuis tijmatis tlake kinekij kimatisej.

• Xikinnextili tlen nesi kampa peua jw.org. Xikinnextili tlamachtili tlen nopaya nesi uan xikiniljui kenijkatsa uelis kitemosej.

• Uelis tikintitlanilis ipan inincelular nopa tlamachtili. Maske sekij amo kinekij kamanaltisej touaya, kena kinekij kiitasej tlen eltok ipan jw.org. Yeka, amo ximajmaui, uelis tikintitlanilis se enlace ipan inincelular uan kiampa uelis kiitasej tlen nesi kampa peua jw.org o se tlamachtili.