Kema mitspinajtisej, uelis kichiuas ximokoko uan nojkia ximoyolkoko. Uan kema techtlaijiljuiaj katli amo techkauaj ma titlaueyichiuakaj, nojkia ueliskia kichiuas ayokmo kuali ma timouikakaj iuaya Jehová. ¿Tlake uelis tijchiuas tlaj mitspinajtiaj?

Maske kinpinajtiaj, miakej kiijiyouiaj pampa motemachiaj ipan Jehová (Sl 18:17). Ester kiampa kichijki. Amo majmajki uan kiijtok tlen Amán kinekiyaya kichiuas. Amán amo kipiayaya kuali iyolo uan kintlaijiyouiltiyaya judíos (Est 7:​1-6). Kema ayamo kamanaltiyaya iuaya tlanauatijketl, Ester mosajki, kiampa kinextik motemachiyaya ipan Jehová (Est 4:​14-16). Jehová kiteochijki, uan kipaleuik ya uan nojkia judíos.

Telpokatl o ichpokatl, tlaj mitspinajtiaj, xikiljui Jehová ma mitspaleui uan xikiljui tlen mitspano se akajya katli ya ueyi, uelis motata o monana. Ximotemachi Jehová mitspaleuis sanse kej kipaleuik Ester. ¿Tlake sekinok tlamantli uelis tijchiuas tlaj mitspinajtiaj?

ACHTOUI XIKITA NOPA VIDEO KEMA NOJUA TITELPOKATL: ¿TLAKE UELIS NIJCHIUAS TLAJ NECHPINAJTIAJ?, UAN TEIPA XIJNANKILI NI TLAJTLANILI:

• ¿Kenijkatsa telpokamej uelis kichiuasej kej Charlie uan Ferin?

  Xikijkuilo tlen titlanankilis

• Kej kiijtouaj Charlie uan Ferin, ¿kenijkatsa tetajmej uelis kinpaleuisej ininkoneuaj kema kinpinajtiaj?

  Xikijkuilo tlen titlanankilis