Moneki sampa tikinpaxalosej katli tikinpouilijkej tlen Biblia kiijtoua (1Co 3:6). Tlaj se akajya kuali techtlakakilik, kualtiaskia tijchiuilisej se tlajtlanili uan tikiljuisej tijnankilisej kema sampa tijpaxalosej. Kiampa kinekis kimatis tlake tikiljuisej, uan amo ouij tijmatisej timokualchijchiuasej kema sampa tijpaxalotij. Kema sampa tiasej tijpaxalotij, uelis tikiljuisej tijnekij tijnankilisej nopa tlajtlanili tlen tikiljuijkej tijnankiliskiaj.

• Kema titlajtolmoyauati, ximoiljui tlake tlajtlanili tijchiuiliskia katli kuali mitstlakakilis uan kiampa sampa tijpaxaloti. Uelis tijtlapejpenis se tlajtlanili tlen monankilia ipan nopa amatlajkuiloli tlen tijmakas o ipan se amatlajkuiloli tlen ika titlamachtiaj. Kema sampa tijpaxaloti xijnextili nopa amatlajkuiloli kampa monankilia nopa tlajtlanili.

• Tlaj se akajya kuali mitstlakakilik xikiljui sampa tijneki timonojnotsas iuaya uan xijchiuili nopa tlajtlanili tlen teipa tijnankiliti. Nojkia kualtiaskia tijtlajtlanis kanke ichaj o inúmero kampa uelis tijnojnotsas.

• Tlaj tikiljuik tlake hora tias tijpaxaloti, moneki tias ipan nopa hora tlen timokajki (Mt 5:37).