¿TLAKE TECHPALEUIS AYOKMO TITEKUALANKAITASEJ?
2 | Amo ximomakuepa
Tlen Biblia kiijtoua:
“Amo kema xikinkuepilikaj tlen inmechchiuilijtokej tlen axkuali [...]. Kampa inuelij, xiitstokaj ika yejyektsi ika nochi [maseualmej]. Noikniuaj tlen niinmechiknelia. Amo kema ximomakuepakaj […]. Pampa ijkuilijtok ipan iTlajtol kampa toTeko kiijtok: ‘Na noteki para nikinkuepilis tlakamej’” (ROMANOS 12:17-19).
¿Tlake kiijtosneki?
Maske kemantika tikualanij kema se akajya techchiuilia tlen amo kuali, toTeotsij amo kineki ma timomakuepakaj. Ya kineki ma tijchiakaj kema kitlamiltis tlen amo xitlauak uan kiijtoua nechka kiampa kichiuas (Salmo 37:7, 10).
Uelis tijchiuas ni:
Kema timomakuepaj, kichiua nojua ma timokualankaitakaj. Yeka, tlaj se akajya mitschiuilik tlen amo kuali o mitsyolkokok, amo ximomakuepa. Xijchiua kampeka amo nima tikualantiuetsis. Tlauel kuali tlaj tikilkauas tlen mitschiuilijkej (Proverbios 19:11). Uan kemantika uelis monekis timomanauis. Uelis kema se akajya mitschiuilik tlen amo kuali, timoiljuia moneki tijtlateljuis ika tekichiuanij o policías.
Tlauel titlaijiyouisej tlaj timomakuepasej
¿Uan tlaj timoiljuia amo uelis tijsenkauas nopa kuesoli ika tlaseuilistli? ¿O uelis timoiljuia ya tijchijki kampeka tijsenkauas kej kinamiki? Maske kiampa timoiljuia, amo ximomakuepa kiampa amo moueyilis nopa kuesoli. Ayokmo xitekualankaita uan ximotemachi toTeotsij kitlamiltis tlen amo kuali. Ipan Salmo 37:3-5 kiijtoua: “Ximotemachi ipan ya, uan yajaya kichiuas”.
Tlen nojkia mitspaktis tikitas
BIBLIA KINPALEUIK KUALI MA MONEJNEMILTIKAJ
Nijnekiyaya ayokmo ma mochiua tlen amo xitlauak
Rafika pejki kinpaleuia se keskij maseualmej katli tlaijixnamikiyayaj pampa kinekiyayaj ma mochiua tlen xitlauak. Teipa, kiitak Biblia kiijtoua san toTeotsij iTlanauatijkayo kichiuas kuali ma tiitstokaj uan ma mochiua san tlen xitlauak.
BIBLIA KINPALEUIK KUALI MA MONEJNEMILTIKAJ
¿Kema tlaiknelili kitlanis tlauilankayotl?
Ouij tijmatis ayokmo titekualankaitas. Xikita kenijkatsa se judío uan se árabe uelkej ayokmo tekualankaitaj.
TLEN BIBLIA KINANKILIA
¿Tlake kiijtoua Biblia kema se akajya kineki momakuepas?
Tlen Biblia kiijtoua kinpaleuijtok miakej maseualmej amo ma momakuepakaj.
