¿TLAKE TECHPALEUIS AYOKMO TITEKUALANKAITASEJ?
1 | Amo xitechikoita
Tlen Biblia kiijtoua:
“ToTeko axtechchikoiknelia [...]. Uan ipan kampa ueli tlali yajaya kinselia nopa tlakamej tlen kitlepanitaj uan tlen kichiuaj tlen kuali” (HECHOS 10:34, 35).
¿Tlake kiijtosneki?
ToTeotsij Jehová * amo techchikoita pampa tieuaj ipan seyok altepetl, timomajtokej tijchiuaj sekinok tlamantli, tichipaktikej o amo. Ya san mosentlalia ipan tlen timoyoliljuiaj uan tlen tijyolmatij. Biblia kiijtoua: “Tlakamej kitlachiliaj itlachialis se tlakatl uan iyejka itlakayo, pero na [Jehová] nijtlachilia iyolo” (1 Samuel 16:7).
Uelis tijchiuas ni:
Maske amo tijmatij tlake moyoliljuiaj sekinok, uelis tijchiuasej kej Jehová, ya amo techikoita. Xijchiua kampeka amo timoiljuis nochi maseualmej kichiuaj sanse tlamantli uan san xikita tlen kuali kichiua sejse maseuali. Tlaj tikita pejtok tikinchikoita maseualmej pampa euaj ipan seyok altepetl o kamanaltij seyok tlajtoli, xikiljui toTeotsij ma mitspaleui ayokmo titechikoitas (Salmo 139:23, 24). Uan ximotemachi ya mitspaleuis ayokmo tikinchikoitas sekinok (1 Pedro 3:12).
^ Biblia kiijtoua toTeotsij itoka Jehová (Salmo 83:18, TNM).
“Amo kema nimoiljuijtoya niaskia ichaj se akajya katli chipaktik […]. Nama niitstoya ininuaya katli tlauel moikneliaj uan kampa ueli euaj” (TITUS).
